Eron chempionati. O‘runov “Persepolis”ga g‘alaba keltirgan bo‘lsa, Hamrobekov bir taym to‘liq o‘ynadi

Eron chempionatining 13-turidan o‘rin olgan o‘yinda “Persepolis” “Paykan”ni kichik 1:0 hisobiga mag‘lubiyatga uchratdi.

Ushbu bahsda tehronliklar safida asosiy tarkibda maydonga tushgan O‘zbekiston terma jamoasi a’zosi Oston O‘runov jamoasining yagona goliga mualliflik qildi.

Turning yana bir bahsida esa “Traktor” “Zob Ahan” bilan 0:0 hisobida durang o‘ynadi. Odilbek Hamrobekov ikkinchi taymda to‘liq harakatlandi.