Fayzullaev TsSKAga qaytib kelishga so‘z berdi

TsSKA himoyachisi Danil Krugovoy Abbosbek Fayzullaevning "Istanbul Bashakshehir"ga o‘tishi haqida gapirdi.

 O‘zbekiston milliy jamoasining 21 yoshli futbolchisi Turkiya klubida tibbiy ko‘rikdan o‘tgani xabar qilingandi.

"Albatta, hammamiz Abbosni sog‘inamiz. Lekin u qaytib kelishga va’da berdi (kulimsirab). Turkiya chempionati Fayzullaev uchun jahon chempionati oldidan tramplin deb o‘ylayman. Unga muvaffaqiyat tilayman.

Abbos yaxshi futbolchi va inson. Jin ursin, u bilan o‘ynash juda zavqli edi... Ayniqsa, 3-4-3 sxemasida u vinger, men esa chap qanotda o‘ynadik", - dedi TsSKA himoyachisi.