Gandbol bo‘yicha O‘zbekiston chempionati boshlandi

Termiz shahrida gandbol bo‘yicha 20 yoshgacha bo‘lgan o‘g‘il va qizlar o‘rtasida O‘zbekiston chempionati boshlandi.

Chempionat uchrashuvlarida Qoraqalpog‘iston Respublikasi, Toshkent shahri hamda viloyatlardan saralangan jamoalar g‘oliblik uchun bahslashmoqda. O‘zbekiston Respublikasi Sport vazirligi, O‘zbekiston gandbol federatsiyasi hamkorligida tashkil etilgan navbatdagi O‘zbekiston chempionati 20 yoshgacha bo‘lgan o‘g‘il hamda qizlar o‘rtasida jismoniy qobiliyat egalarini aniqlashda muhim omil bo‘lmoqda.

Qizg‘in bahslarga boy bo‘lgan O‘zbekiston chempionati 19 dekabr kuniga qadar davom etadi.