"Inter" APLda 2ta himoyachi sotib olmoqchi

Milanning "Inter" klubi mavsumlar oralig‘ida Angliya premer-ligasida to‘p surayotgan 2 nafar futbolchini sotib olishni ko‘zlamoqda.

Calciomercato nashri tarqatgan xabarga ko‘ra “neradzurrilar”ning e’tibori Matteo Darmian ("Manchester Yunayted") va Emerson ("Chelsi") kabi himoyachilarga tushgan.

Aytish lozimki, Darmianning MYu bilan amaldagi shartnomasi yozda o‘z nihoyasiga etadi va shu bois ham “Inter” ushbu transfer bo‘yicha katta muammona duch kelmaydi.

Emersonning esa “aristokratlar” bilan shartnomasi 2022 yilga qadar imzolangan. Uning transferi taxminan 18 million evroga baholanmoqda.