Intizom klassga ta’sir qilmoqda yoki terma jamoamizdagi o‘zgarishlar haqida

Futbolimizdagi o‘zgarishlardan so‘ng, saytimizga bir muxlisimizdan xat keldi. Ushbu maktubni e’tiboringizga havola etamiz.

Ektor Kuperning O‘zbekiston terma jamoasi bosh murabbiylik lavozimini tark etgandan keyingi qisqa fikrlar.

"Paxtakor" klubining so‘nggi 2 yildagi faoliyatini keltiraman. "Paxtakor" o‘tgan yili chempionlik uchun kurashdi va bu yil chempionlikni qo‘lga kiritdi, chunki klub xalqaro standartlarga muvofiq bo‘lgan, aniq va ravshan tizimni qurmoqda. Shaxslarni almashtirish tizimi umuman klub faoliyatiga ta’sir qilmaydi va ehtimol shuning uchun chet el mutaxassisi taklif qilingan. Shota Arveladze Evropada ham futbolchi, ham murabbiy sifatida tajribaga ega va menimcha, menejer sifatida ham. Keyingi mavsumlarda bu "Paxtakor"ning klubdagi tizim qurilishi tufayli chempion bo‘lishiga ishonaman. Siz "Paxtakor" Superliganing boshqa klublaridan top futbolchilarni yangi homiylar hisobidan sotib olishiga qarshi turishingiz mumkin va bu faqat qisman to‘g‘ri bo‘ladi. Top-ligalarning barchasida boy klublar yaxshi o‘yinchilarni kamtar jamoalardan sotib olishadi. Nima uchun bizda boshqacha bo‘lishi kerak?

Ana endi terma jamoa haqida. Men Kuper yoki boshqa chet ellik mutaxassis jamoaga kelishini va uning shunchaki arzimagan oddiy sababga ko‘ra ketishiga qarshi bo‘lganman. Osiyoning top jamoalaridan biri bo‘lish uchun Kuper o‘zining tajribasi (tajribasi jiddiy va shubhasiz) va uslubi bilan avvalo jamoaga o‘yin intizomini olib kelishi kerak edi.

JCh saralashining birinchi bosqichidan biz istalgan murabbiy va ikkinchi tarkib bilan o‘ta olishimiz kerak, ammo ikkinchi bosqichda bizga Kuperdan men kutgan o‘yin intizomi kerak bo‘lar edi. O‘ylashimcha, Kuper saralashning birinchi bosqichidan osonlikcha o‘tib keta olardi (va Abramov ham buni uddalaydi).

Keyin nima bo‘ladi? Umuman o‘yin klassi yo‘qligi tufayli Osiyoning kuchli jamoalariga qarshi bahslarda ochkolar yo‘qotamiz. Ayrim o‘yinlarda Osiyo gigantlarini mag‘lub eta olamiz, ammo buni doimiy ravishda qila olmaymiz. Xullas Kuperdan Arveladze kabi tizim yaratishini kutgandim. 

Mening fikrimcha, Arveladze terma jamoa ruliga eng yaxshi nomzod bo‘lardi, chunki "Paxtakor"da O‘zbekistonning eng yaxshi o‘yinchilari va potentsiali eng yaxshi bo‘lgan futbolchilar jamlangan.

Terma jamoamizni qo‘llab-quvvatlashda davom etaman va Abramov muvaffaqiyat qozonishini istayman.