Ispanlar endi Chempionlar ligasida shov-shuv  ko‘tarmoqchi

Evropa ligasi finalida penaltilar seriyasida “Manchester Yunayted”dan ustun kelib, bosh sovrinni qo‘lga kiritgan “Vilyarreal” bosh murabbiyi Unai Emeri g‘alabali o‘yindan so‘ng fikrlari bilan o‘rtoqlashdi.

- Men ju baxtiyorman. Shogirdlarim butun mavsum davomida hammaning ishonchini oqlash uchun qattiq mehnat qildi. Biz jamoa bian faxrlanamiz. G‘alabaga munosib edik.

Finaldagi raqibimiz “Manchester Yunayted” bo‘lishiga qaramay, raqobatbardosh o‘yin namoyish qila oldik. Raqib Chempionlar ligasida o‘ynagan edi. Biz Evropa ligasida zafar quchdik, endi Chempionlar ligasida ham munosib o‘yin ko‘rsatishni istaymiz, - dedi Unai Emeri.

Uchrashuvning asosiy vaqti 1:1 hisobida yakunlangandi. Penaltilar seriyasida ispaniyaliklarning qo‘li baland keldi – 11:10.