Italiya Superkubogi. "Bolonya" penaltilar seriyasida "Inter"ni mag‘lub etib, final yo‘llanmasini qo‘lga kiritdi

Italiya Superkubogining yarim finalidan o‘rin olgan yana bir bahs o‘z nihoyasiga etdi. Saudiyada o‘tkazilgan uchrashuvda "Bolonya" klubi Milanning "Inter" jamoasini penaltilar seriyasida mag‘lub etishga muvaffaq bo‘ldi. 
 
Bellashuvning asosiy vaqti 1:1 hisobi bilan yakunlandi. To‘qnashuvning 2-daqiqasidayoq Markyus Tyuram hisobni ochgan edi, 35-daqiqada esa Rikkardo Orsolini 11 metrlik jarima zarbasidan unumli foydalandi va farqni yo‘qqa chiqazdi. Penaltilar seriyasida esa 3:2 hisobi qayd etildi. 
 
Eslatib o‘tamiz, "Bolonya"ning finaldagi raqibi - "Napoli"!