Jasur Jaloliddinov jamoasi bugun markaziy o‘yinda ishtirok etadi

Bugun Qozog‘iston chempionatida 5-tur uchrashuvlari bo‘lib o‘tadi. 

Unda hamyurtimiz Jasur Jaloliddinov to‘p tepadigan "Qayrat" jamoasi o‘z o‘yinini o‘tkazadi. Legionerimiz harakatlanadigan  klub o‘z uyida "Kaspiy Aktau" klubiga qarshi bahs olib boradi. 

Uchrashuv Toshkent vaqti bilan 18:00da start oladi. 

Ma’lumot o‘rnida, "Qayrat" ayni payt turnir jadvalida 8 ochko bilan 3-o‘rinda bormoqda. "Kaspiy Aktau" hisobida 10 ochko mavjud bo‘lib, jamoa 2-pog‘onani band etgan.