Javohir Ilyosov: Bugun g‘alaba qozonmasak bor ishonchni yo‘qotardik

Xabaringiz bor, bir necha kun oldin oliy liga ikkinchi turidan o‘rin olgan “Mash’al” – “Metallurg” uchrashuvi bo‘lib o‘tdi. Unda muborakliklar 1:0 hisobida zafar quchishdi.

Bellashuvdan so‘ng maydon egalari darvozaboni Javohir Ilyosov o‘yin borasidagi o‘z fikrlari bilan o‘rtoqlashdi.

- O‘tgan turda mag‘lub bo‘ldik, bundan muxlislarimiz juda qattiq ranjishgandi. Qolaversa biz bugun g‘alaba qozonmasak bor ishonchni yo‘qotardik xudoga shukur hammasi joyida. Endigi bahsni G‘uzorda o‘tkazamiz o‘ylaymanki muxlislarimiz bu bahsda ham bizni borib qo‘llab turishadi, - deydi Ilyosov.

Ma’lumot o‘rnida, “Mash’al” keyingi turda “Sho‘rtan” mehmoni bo‘ladi.