Jizzax-Zomin yo‘nalishi bo‘ylab velopoyga o‘tkazilmoqda

O‘zbekiston velosiped sporti federatsiyasi tomonidan milliy terma jamoa a’zolarini 2020 yilda Tokio (Yaponiya) shahrida bo‘lib o‘tadigan yozgi Olimpiya o‘yinlariga tayyorgarlik ishlarini jadal olib bormoqda.

Federatsiyaning 2019 yil kalendar rejasiga muvofiq Jizzax viloyatida  Jizzax-Zomin yo‘nalishi bo‘ylab erkaklar va ayollar o‘rtasida velosport bo‘yicha O‘zbekiston chempionati hamda 2001-2002, 2003-2004, 2005-2006 yillarda tug‘ilgan o‘g‘il bolalar va qizlar o‘rtasida "Federatsiya kubogi" musobaqalariga bugun start berildi.

Mazkur musobaqadadan ko‘zlangan asosiy maqsad turli yosh toifalarida terma jamoaga yosh iqtidorli sportchilarni selektsiya qilish, tarkibni yangilash va jamoada sog‘lom raqobatni vujudga keltirishga, qolaversa viloyatlarda velosiped sportini yanada ommalashtirish hamda sportchilarni mahoratini oshirishga xizmat qiladi.