Jorjino Sarrining ortidan "Yuventus"ga ko‘chib o‘tishi mumkin

Londonning "Chelsi" klubi yarim himoyachisi Jorjinoning agenti Joao Santos mijozining "Yuventus"ga o‘tishi mumkinligini aytdi.

“Jorjinoning “Chelsi” bilan 4 yillik shartnomasi bor. Biz boshqa klublar haqidagi mish-mishlar rost ekanligini bilish uchun bir necha kun kutishga qaror qildik. Jorjinoga “Chelsi” yoqadi va u bu erdan ketmoqchi emas. Biroq, futbolda hamma narsa bo‘lishi mumkin.

Agar u “Yuventus”ga o‘tadigan bo‘lsa, uning “Napoli”dagi faoliyati bunga to‘sqinlik qila olmaydi. Chunki, Jorjino – professional”, - deydi agent.

Eslatib o‘tamiz, Jorjino “aristokratlar” safiga bundan bir yil muqaddam Mauritsio Sarri bilan birga “Napoli”dan ko‘chib o‘tgan edi. Biroq, Sarri endilikda “Yuventus” bosh murabbiyi hisoblanadi.