Karim Benzema "Al-Hilol" bilan 6 oylik shartnoma bo‘yicha kelishdi

Jurnalist Santi Aunaning ma'lumotiga ko‘ra, Karim Benzema va "Al-Hilol" mavsum yakuniga qadar mo‘ljallangan olti oylik shartnoma bo‘yicha kelishuvga erishdi.

Avvalroq Benzema taklif etilgan shartnomadan norozi bo‘lgani sababli "Al-Ittihod" safida o‘ynashdan bosh tortgani xabar qilingan edi.

Hozirgi muzokaralar "Al-Hilol" va fransuz hujumchisi o‘rtasida keyingi ehtimoliy shartnoma masalasiga qaratilgan. Benzema kelishuvni uzaytirish tarafdori ekani aytilmoqda.

Tomonlar hali maosh va yangi bitim muddati borasida to‘liq kelishib olgani yo‘q, muzokaralar davom etmoqda.