Kaseres 3-marta "Yuventus"dan ketdi

Urugvaylik himoyachi Martin Kaseres rasman "Yuventus"ni tark etdi. E’tiborlisi, u faoliyati davomida 3-marta turinliklar safidan ketdi.

Gap shundaki, 30 iyun kuni 32 yoshli futbolchining “keksa sinora” bilan tuzgan ijara shartnomasi o‘z nihoyasiga etadi va u bor yo‘g‘i 1 kunga "Latsio" safiga qaytadi. Aniqrog‘i, uning rimliklar bilan amaldagi kelishuvi 1 iyul kuni yakunlanadi.

Ma’lumot uchun, Kaseres bungacha “Yuventus” safida ikki bor – 2009/10 hamda 2012/16 yillarda to‘p surgan.