Ketmaysan! Flik "Barsa" yulduzi transferini blokladi
Bir kun kerak bo‘lib qoladi
Kataloniyaning «Barselona» jamoasi bosh murabbiyi Hans-Diter Flik niderlandiyalik yarim himoyachi Frenki de Yongni qishki transfer oynasida sotib yuborishga yo‘l qo‘ymaslikka qat’iy qaror qilgani xabar qilinmoqda.
Bu haqida ijtimoiy tarmoqlarda insayder Ekrem Konur ma’lumot berdi.
Uning ta’kidlashicha, «ko‘k-anorranglilar» jamoa tarkibining chuqurligini xavf ostiga qo‘ymoqchi emas.
Shu bois klub rahbariyati futbolchiga qiziqish bildirgan «Manchester Yunayted» va «Liverpul» bilan hech qanday muzokara olib borishni rejalashtirmayapti.
Frenki de Yong 2019 yil yozidan beri «Barselona» sharafini himoya qilib kelmoqda. Uning amaldagi shartnomasi 2029 yil iyuni oxirigacha mo‘ljallangan. Mutaxassislar futbolchining bozor qiymatini 25 million yevro atrofida baholamoqda.
Izohlar (0)