Konte Darmianni "Inter"ga olib o‘tmoqchi

Milanning “Inter” klubi “Parma” himoyachisi Matteo Darmianni o‘z safiga qo‘shib olmoqchi.

Berilgan ma’lumotlarga qaraganda 30 yoshli italiyalik futbolchini shaxsan “neradzurrilar” bosh murabbiyi Antonio Konte o‘z jamoasida ko‘rishni xohlamoqda. Ular ushbu transferni mavsum yakunlangach amalga oshirilishi mumkin.

Ma’lumot uchun, Darmian joriy mavsum “Parma” safida 14 ta o‘yinda maydonga tushdi va 1 ta golli uzatmaga mualliflik qildi. Uning klub bilan amaldagi shartnomasi 2023 yilga qadar imzolangan.