Levandovskining jamoadoshi Shomurodov bilan birga o‘ynashi mumkin

"Sampdoriya" klubi va Polsha terma jamoasi himoyachisi Bartosh Bereshinski faoliyatini A Seriyaning boshqa bir jamoasida davom ettirishi mumkin.

Jurnalist-insayder Nikolo Skiraning xabar berishicha, 29 yoshli futbolchiga "Roma" jiddiy qiziqib qolgan. "Bo‘rilar" uni yaqinlashib kelayotgan qishki transferlar davridayoq tarkibga qo‘yshib olmoqchi.

Bereshinski joriy mavsum "Sampdoriya" safida 12 ta o‘yinda maydonga tushdi va jamoasining 2 ta goliga assistentlik qildi. Uning klub bilan amaldagi shartnomasi 2023 yilning yoziga qadar imzolangan.