“Lion” katta xatoga yo‘l qo‘yishiga bir bahya qoldi!

​“Lion”ning yangi iqtidorlaridan biri, oʻng qanot himoyachisi Stiv Kango jamoada oʻz oʻrnini mustahkamlab bormoqda.

​Hozirda u Yevropa Ligasida ikki bor maydonga tushdi va Liga 1 doirasida ham ikkita oʻyinda zahiradan oʻyinga qoʻshildi. Eynsli Meytland-Naylzsning yoʻqligida u Hans Hateburgga munosib raqobat tugʻdirmoqda. Xalqaro tanaffus paytida, oʻtgan shanba kuni u kutilmaganda “National 3” (Fransiya 5-divizioni) oʻyinida ishtirok etishiga bir bahya qoldi.

“Fos-syur-Mer” jamoasiga qarshi bahsda Stiv Kango asosiy tarkibda va hatto jamoa sardori sifatida eʼlon qilingan edi. Biroq, “Lion” yoshlar jamoasi 0:3 hisobida magʻlub boʻlgan ushbu uchrashuvda u yakunda maydonga tushmadi.

​Kango undan avval – 22 mart kuni asosiy jamoa safida “Monako”ga qarshi oʻyinda maydonga tushgan edi. Fransiya futbol Federatsiyasi (FFF) reglamentiga koʻra, xalqaro tanaffus vaqtida bunday harakatlar (asosiy jamoadan rezervga oʻtish) taqiqlangan.

​Agar “Lion” uni maydonga tushirganda, klubdan ochko olib tashlash jazosiga tortilishi mumkin edi. Stiv Kango jamoa bilan birga safarga borgan va hatto chigalyozdi mashqlarida qatnashgan boʻlsa-da, soʻnggi pallada rahbariyat xavfga qoʻl urmaslikka qaror qildi.