"Liverpul" yozgi transferlardagi ilk xaridini amalga oshirdi

“Liverpul” klubi o‘zining yozgi transferlar davridagi ilk xaridini amalga oshirdi. Klub rasmiy saytining xabar berishicha mersisaydliklar Gollandiyaning “Zvolle” klubi himoyachisi Sepp van der Bergni o‘z safiga qo‘shib olishdi.

Ta’kidlash kerakki, 17 yoshli “Liverpul” bilan 5 yillik shartnoma imzolagan. Bu haqda esa rasman iyul boshida, ya’ni APL klubi xorijiy transferlarni amalga oshirish huquqiga ega bo‘lganda e’lon qilinadi.

The Times nashri tarqatgan xabarga ko‘ra van der Bergning transferi “Liverpul”ga taxminan 1,5 mln funtga tushdi. Unga shuningdek “Bavariya” va “Ayaks” klublari ham qiziqish bildirayotgan edi.

Ma’lumot uchun, Sepp van der Berg o‘tgan mavsum Gollandiya chempionatida jami 15ta o‘yinda maydonga tushdi.