Konor Makgregor: "UFC meni qo‘rqitmoqchi bo‘ldi"

Taniqli MMA ustasi Konor Makgregor braziliyalik Karlos Pratesga qarshi jangi haqidagi gap-so‘zlar bejiz emasligi va bu bahs haqiqatan ham muhokama qilinganini tasdiqladi.

"UFC haqiqatan ham men va Prates to‘qnashuvi haqida gapirdi. Men esa: "Mayli, shartnoma jo‘nating," dedim. Biroq ular bunii qilishmadi. Promoushen aslida meni qo‘rqitib, engil vaznga qaytarmoqchi edi", - dedi Konor Ariel Xelvaniga bergan intervyusida.

Eslatib o‘tamiz, Makgregor 12 iyul kuni "UFC 329" turnirida Maks Xollovey bilan bahs olib boradi.