Messi maqtanib qo‘ydi

Argentina terma jamoasi sardori va etakchii Lionel Messi futbolchilik faoliyatida katta sovrinlarni qo‘lga kirita olganini ta’kidladi.

- Jahon chempionatida g‘olib chiqish eng katta voqea. Har bir futbolchining ma’lum bir maqsadlari bo‘ladi. Lekin o‘z yurting terma jamoasi bilan jahon chempionatida zafar quchish eng ulkan yutuq.

“Barselona” bilan klub miqyosidagi barcha sovrinlarni qo‘lga kiritishga musharraf bo‘lganman. Shuningdek, individual yutuqlarni ham qo‘lga kiritdim.

Faqatgina mana shu sovrin etishmayotgan edi. Futbolchilarning juda ozchiligi jahon chempionatida g‘olib chiqqanini ayta oladi xolos. Shukrki, men ulardan biriman.

Mashaqqatli mehnat qilasan, kerak bo‘lsa qurbon berasan, lekin baribir oxirida maqsadingga etasan. Bu yo‘l qiyin, lekin to‘xtamaslik muhim.

Men bir necha yil avval jahon chempioni bo‘lishimga ishonardim, - dedi Lionel Messi.