Milliy terma jamoamiz Tojikistonga qarshi o‘yinga tayyorgarlik ko‘rmoqda (foto)

O‘zbekiston milliy terma jamoasi Tojikistonga qarshi o‘rtoqlik o‘yini oldidan o‘quv-mashg‘ulot yig‘ini tashkil etmoqda. Bu haqda O‘zbekiston futbol assotsiatsiyasi rasmiy sayti xabar tarqatmoqda.

Yuqoridagi manbaga ko‘ra, milliy terma jamoa a’zolari "Bunyodkor" akademiyasi maydonida to‘laqonli mashg‘ulotlarga kirishdi. Dastlab, asosiy e’tibor tiklanish mashqlariga qaratildi. Shundan so‘ng, mashg‘ulotlar to‘la hajmda davom ettirildi, asosan to‘p bilan ishlashga ahamiyat berildi.

Tojikiston vakillariga qarshi o‘rtoqlik uchrashuvi 3 sentyabr kuni soat 19:00 da “Lokomotiv” stadionida boshlanadi.