"Nasaf" poytaxtning uchinchi klubini ham mag‘lubiyatga uchratib, kumush medalni qo‘lga kiritdi

O‘zbekiston Superligasi 25-turi doirasida "Bunyodkor" "Nasaf"ni qabul qildi. Turning markaziy bahsi o‘z nomiga loyiq bo‘ldi.

O‘yinni hujumlar bilan boshlagan mehmonlar 9-daqiqada Marko Stanoevichning golidan so‘ng oldinga chiqib olishdi. Birinchi taymda tomonlar navbati bilan hujum tashkil qilishdi, birov darvozabonlar aniq o‘ynab, himoyachilarga imkoniyat berishmadi.

Ikkinchi taymda "Bunyodkor" ko‘proq hujum tashkil qildi, "Nasaf" esa qarshi hujumga tayangan holda o‘tkazdi. Biroq Ne’matov va Abduljalilov seyvlari sabab o‘yinda boshqa gol kiritilmadi.

Shu bilan "Nasaf" 25 turda 52 ochko to‘plab 2 pog‘onani egalladi, "Bunyodkor" esa 42 ochko jamg‘argan holda 4 o‘rinda qoldi.

Ushbu bahs saytimiz tomonidan matnli translyatsiya qilindi.