"Navbahor" legioneri jamoa bilan xayrlashdi. Uning keyingi manzili esa...

"Navbahor" klubi hujumchisi Toma Tabatadze jamoa bilan xayrlashdi. 

"Siz bilan o‘ynash sharaf edi. Birgalikda ko‘plab yorqin daqiqalarni, g‘alabalarni va bizni kuchliroq qilgan qiyinchiliklarni boshdan kechirdik.

Ajoyib daqiqalar, qo‘llab-quvvatlaganingiz, do‘stligingiz va jamoamizni doimo birlashtirgan jangovar ruhingiz uchun rahmat. Men chin dildan ishonamanki, har biringizni oldinda - maydonda ham, maydon tashqarisida ham ulkan yutuqlar kutib turibdi.

Kelajakda muvaffaqiyatlar tilayman va yo‘llarimiz yana kesishadi degan umiddaman! Rebyata", - deya yozdi gruziyalik hujumchi o‘zining ijtimoiy tarmoqdagi sahifasida. 

Ma’lumot uchun, joriy mavsum Toma 20 ta o‘yinda qatnashib, 10 ta gol urdi va ikkita golli uzatmani amalga oshirdi. U katta ehtimol bilan "Neftchi"ga qaytadi.