Neymar Rafinyaning "Oltin to‘p"da beshinchi o‘rin olishiga hazilomuz javob berdi

"Barselona" va PSJning sobiq forvardi Neymar hamyurti Rafinyaning 2025 yil "Oltin to‘p" ovoz berishida beshinchi o‘rinni egallashiga o‘z munosabatini bildirdi.

"Rafinya beshinchi o‘rindami? Bu juda yaxshi hazil", – deb yozib qoldirdi braziliyalik yulduz ijtimoiy tarmoqdagi natijalar postiga izoh sifatida.

Eslatib o‘tamiz, 2024/25 yil mavsumi bo‘yicha "Oltin to‘p" sohibiga aylangan futbolchi – PSJ va Frantsiya terma jamoasi vingeri Usmon Dembele bo‘ldi.

Ikkinchi o‘rinni "Barselona'ning 18 yoshli yulduzi Lamin Yamal egalladi. Uchinchi pog‘onada esa yana bir PSJ vakili – portugaliyalik yarim himoyachi Vitinya joy oldi.