Neymar va Mbappe o‘rtasidagi mojaro hal etildi

PSJ futbolchilari Kilian Mbappe va Neymar o‘rtasidagi mojaroga barham berildi. Bu haqda “Le Parisien” jurnalisti Adrian Grene o‘zining tvitterdagi sahifasi orqali xabar bermoqda.

"Monpele" bilan o‘yindan so‘ng (5:2) Neymar Mbappe parijliklarning doimiy penalti tepuvchisiga aylanganidan noroziligini bildirdi.

Manbaga ko‘ra, mojaro PSJ sport direktori Luis Kampos tomonidan hal qilingan. U futbolchilar bilan suhbatlashdi va ularning xatti-harakati jamoaning umumiy o‘yiniga zarar keltirmasligi, futbolchilar o‘rtasidagi tushunmovchiliklarni birgalikda hal qilish kerakligini tushuntirdi. Yig‘ilishdan so‘ng futbolchilar voqea bartaraf etilganini tan olishdi.

PSJ Liga 1ning yangi mavsumini “Klermon” (5:0) va “Monpele” (5:2) ustidan qozonilgan yirik g‘alaba bilan boshladi.