Og‘ir atletika 2024 yilgi Olimpiya o‘yinlari dasturidan chiqarib tashlanishi mumkin

Agar Xalqaro og‘ir atletika federatsiyasi (IWF) Xalqaro olimpiya qo‘mitasining talablariga e’tiborsizlik bilan yondashsa, ushbu sport turi 2024 yilgi Olimpiya o‘yinlari dasturidan chiqarib tashlanishi mumkin. Bu haqda XOQ prezidenti Tomas Bax aytib o‘tdi.

"Afsuski, IWF bu masalada olg‘a siljimagani "Parij-2024" va undan keyingi Olimpiadalarda og‘ir atletikaning ishtirokini muhokama qilishimizga majbur qiladi", – dedi T.Bax XOQ Ijroqo‘mi matbuot anjumanida.