O‘zbekiston drifterlari chempion!

Bishkek shahrida 2025-yilgi Ochiq Qirg‘iziston Respublikasi Drifting Chempionatining final — uchinchi bosqichi yakunlandi. Ushbu tomoshabop musobaqada Qozog‘iston, Qirg‘iziston va O‘zbekistondan 38 dan ortiq kuchli drifterlar hamda 9 ta jamoa ishtirok etdi.

2025-yilgi mavsum yakunlariga ko‘ra:
• O‘zbekiston vakili Li Sen Man jami 257 ochko to‘plab, Qirg‘iziston Respublikasining mutlaq drifting chempioni bo‘ldi
• NAFKU Racing Team esa jamoaviy hisobda chempionlikni qo‘lga kiritdi

Sportchilarimiz O‘zbekiston nomini munosib himoya qilib, mamlakatimiz avtosportining yuksak darajasini namoyish etdilar va xalqaro maydonda professionallik hamda matonat namunasi bo‘lishdi.