O‘zbekiston milliy terma jamoasi sobiq futbolchisi "Neftchi"da (Foto)

Jamoalar ikkinchi davraga tayyorgarlikni davom ettirmoqda. Davralar oralig‘ida klublar tarkibni kuchaytirishga jiddiy e’tibor qaratgan.

Farg‘onaning "Neftchi" klubi o‘z safiga Fozil Musaevni qo‘shib oldi. Yarim himoyachi bu mavsumni "Metallurg"ga boshlagandi. Biroq O‘zbekiston milliy terma jamoasining sobiq futbolchisi birinchi davradan so‘ng bekobodliklar bilan xayrlashib, farg‘onaliklar safiga qo‘shildi.

Fozil Musaev "Neftchi" tarkibida "Lokomotiv"ga qarshi o‘rtoqlik o‘yinida ishtirok etdi. Klub matbuot xizmati hali futbolchining transferini e’lon qilmadi.