Paralimpiya. Navbatdagi litsenziya! Urganchbek Egamnazarov ham Parij-2024 yo‘llanmasini qo‘lga kiritdi

Terma jamoamiz a’zolarining jahon chempionatidagi muvaffaqiyatli yurishi davom etadi.

Erkaklar o‘rtasida T11 klassida uzunlikka sakrash bahslarida startga chiqqan hamyurtimiz Urganchbek Egamnazarov 6 metr 6 sm natija bilan 4-o‘rinni egalladi va Parij-2024 yozgi Paralimpiya o‘yinlariga to‘g‘ridan-to‘g‘ri litsenziyani qo‘lga kiritdi.

Ta’kidlash kerakki, Urganchbek Egamnazarov ushbu jahon chempionatida o‘z shaxsiy rekordini ham yangiladi.