Paralimpiya. O‘zbekiston delegatsiyasi para pauerlifting bo‘yicha rekord darajada litsenziyalar qo‘lga kiritdi!

Xalqaro Paralimpiya qo‘mitasi (IPC) para pauerlifting bo‘yicha Parij-2024 yozgi Paralimpiya o‘yinlariga litsenziya beruvchi yakuniy reytingni e’lon qildi.

Quvonarlisi, litsenziantlar orasidan 8 nafar o‘zbekistonlik para pauerliftingchi joy oldi. Taqqoslash uchun, bundan avval bo‘lib o‘tgan Paralimpiya o‘yinlarida O‘zbekiston delegatsiyasi tarkibida 3 nafardan ortiq para pauerliftingchi ishtirok etmagan.

Parij-2024 yozgi Paralimpiya o‘yinlarida yurtimiz sharafini himoya qiladigan para pauerliftingchilarimiz bilan tanishing:

Ayollar 
Aqidaxon Axtamova 
Durdona To‘raeva 
Ruxshona O‘ktamova 
Ro‘za Qo‘zieva 
Qudratoy Toshpo‘latova 

Erkaklar
Bekzod Jamilov 
Xusniddin Usmanov 
Ilhom Halimov 

Ma’lumot uchun, Parij-2024 yozgi Paralimpiya o‘yinlarining para pauerlifting musobaqalari 4-7 sentyabr kunlari “Porte de La Chapelle Arena”da bo‘lib o‘tadi.