"Paxtakor"ning bo‘lajak raqibida bosh murabbiy iste’foga chiqarildi

Qozog‘istonning "Qayrat" klubida bosh murabbiy iste’foga chiqarildi. Bu haqda meta-ratings.kz sayti xabar berdi. 

Manbaning ma’lum qilishicha, mahalliy mutaxassis Kirill Morunov qoniqarsiz natijalar sabab lavozimidan ozod etildi. "Qayrat" mamlakat birinchiligida 12 ochko bilan 11-o‘rinni band etgan.

Eslatib o‘tamiz, "Paxtakor" 19 iyul kuni Qozog‘istonda "Qayrat"ga qarshi javob o‘yinida ishtirok etishi belgilangan. Tomonlaring Toshkentdagi to‘qnashuvida "sherlar" 4:3 hisobida g‘alaba qozongandi.