Pyotr Yan Islom Maxachev va Aleksandr Volkanovski jangi borasida o‘z taxminlarini bildirdi

O‘ta engil vazn(61,2 kg) toifasida sobiq UFC chempioni Pyotr Yan (16-5) engil vazn (70,3 kg) toifasida amaldagi chempion Islom Maxachev (24-1) va yarim engil vazn (65,8 kg) toifasi chempioni Aleksandr Volkanovski (26-2) o‘rtasidagi bo‘lajak revansh jangi haqida fikr bildirdi.

“Oliveyra yoki Volkanovskidan qay biriga qarshi jang Islom uchun yaxshiroq, men baholay olmayman. Islom to‘liq lagerdan o‘tdi, tayyorlandi va asosiysi bularning barchasi behuda ketmaydi. UFCning vazifasi jangga qiziqishni saqlab qolishdir. Ular allaqachon o‘zaro jang qilishgan, bu qiziqarli jang edi. Va o‘ylaymanki, bo‘lajak jang ham qiziqarli bo‘ladi, ammo bu safar Aleks uchun qiyinroq bo‘ladi, chunki jang uning hududida bo‘lib o‘tmaydi”, - deya Yanning so‘zlarini keltiradi “Arxangel Mixail”klubi matbuot xizmati.

Eslatib o‘tamiz, Maxachev va Volkanovski o‘rtasidagi revansh jangi 21 oktyabr kuni Abu-Dabida “UFC 294” turniri doirasida bo‘lib o‘tadi.