Rasman! "Andijon" "Paxtakor" futbolchisini o‘z safiga qo‘shib oldi

Klub matbuot xizmat tarqatgan xabarga ko‘ra, transfer oynasi yopilishiga oz  vaqt qolganida klub navbatdagi transferni amalga oshirdi.

Bungacha mamlakatimizning AGMK, "Nasaf", "Lokomotiv" va "Paxtakor" kabi klublarida o‘ynagan, O‘zbekiston terma jamoasiga nomzod yarim himoyachi Dilshod Rahmatullaev "Andijon" jamoasi bilan shartnoma imzoladi.

Endilikda tajribali futbolchi «burgutlar» sharafini himoya qiladigan bo‘ldi. Eslatib o‘tamiz, 29 yoshli futbolchi o‘tgan yili "Paxtakor" bilan ikki yillik shartnoma imzolagan edi.