Ravshan Ermatov: Kuperga ishonaylik

Anjumanda O‘FA birinchi vitse-prezident Ravshan Ermatov O‘zbekiston milliy terma jamoasi bosh murabbiyi Ektor Kuperga imkon berib, unga ishonish kerak ekanligini ta’kidladi.

"Ektor Kuper katta murabbiy. Uning o‘z qarashlari bor va imkon berish kerak. Yaqinda bergan intervyusida ham men o‘zbekka aylanayapman deb aytdi. U ham, futbolchilar ham ko‘nikib qolishdi. Kuper bir oila tuzmoqchi va unga ishonaylik. Men muxlislardan ham, siz jurnalistlardan ham Kuperni qo‘llab-quvvatlashlarini so‘rayman", - dedi Ermatov.