“Real” Anchelotti va uch nafar eng mashhur yulduzdan voz kechmoqda

“Real” bosh murabbiyi Karlo Anchelotti mavsum yakunlanishi bilan klubni tark etadi. Bu haqda Todofichajes xabar berdi.

Manbaning ta’kidlashicha, jamoa Chempionlar ligasida g‘alaba qozongan taqdirda ham klub rahbariyatining bu qarori o‘zgarmaydi.

“Qirollik klubi” keyingi besh yilga mo‘ljallangan yangi loyihani amalga oshirishga qodir boshqa mutaxassisni olib kelmoqchi.

Anchelotti ortidan klub afsonalariga aylanib qolgan Karim Benzema, Luka Modrich va Toni  Kroos singari yoshi katta yulduzlarga ham chiqish eshiklari ochiladi.

Yozda “Real”da jiddiy o‘zgarishlar bo‘lishi kutilmoqda.