"Real Madrid" yozda sotib olgan transferlaridan mamnun!

"Real Madrid" rahbarlari klub yozgi transferlar oynasidagi xaridlaridan juda mamnun. "Marca" nashri xabariga ko‘ra, "qaymoqranglilar" boshliqlari transfer oynasini rejalashtirilganidan ham yaxshiroq o‘tganiga ishonishmoqda.

"Real Madrid" jamoasi mavsum davomida barcha sovrinlar uchun kurasha oladigan darajada yaxshi ekanligiga ishonch bildirmoqda.

Eslatib o‘tamiz, yozgi transfer oynasida Madridning "Real" klubi o‘z safiga Jud Bellingem, Arda Gyuler, Fran Garsiya, Kepa Arrizabalaga va Xoselu kabi futbolchilarni qo‘shib oldi.