Roja Nainggollan Belgiya terma jamoasidagi faoliyatini yakunladi
"Roma" klubi va Belgiya terma jamoasining yarim himoyachisi Roja Nainggollan terma jamoadagi faoliyatini yakunlagani haqida e’lon qildi.
"Yuragimdagi dard bilan aytamanki, termada xalqaro o‘yinlardagi faoliyatni to‘xtataman. Doimo jamoam uchun chin dildan yordam berib keldim. Afsuski, bu ayrim insonlar uchun etarli bo‘lmabdi. Bugundan boshlab Belgiya terma jamoasining ashaddiy muxlisiga aylanaman", – deya post qoldirgan futbolchi instagramdagi sahifasida.
Eslatib o‘tamiz, Roja Belgiya terma jamoasining JCh-2018 uchun kengaytarilgan tarkibiga kiritilmagan.
Fikrlar