Rossiya terma jamoasi futbolchisi uchun "Real", "Barsa" va "Atletiko" kurash boshladi

"Monako" yarim himoyachisi Aleksandr Golovin faoliyatini Ispaniyada davom ettirishi mumkin.

"Chempionat" nashrining xabar berishicha, 24 yoshli rossiyalik futbolchiga La Liganing kuchli oltiligida borayotgan jamoalar - "Atletiko", "Barselona", "Real", "Sevilya", "Real Sosedad" va "Betis" da’vogarlik qilmoqda. Ular Golovinni yozgi transferlar davrida sotib olishni rejalashtirmoqda.

Golovin joriy mavsum "Monako" safida 14 ta o‘yinda maydonga tushdi va o‘z hisobiga 4 ta gol hamda 6 ta golli uzatma yozdirib qo‘yishga erishdi. Uning transfer narxi esa 19 mln evroga baholanmoqda.