Safarda g‘alaba qozongan "Real" "Barselona"ni ortda qoldirdi

Ispaniya La Ligasi 28-turidan o‘rin olgan "Selta" - "Real" uchrashuvi o‘z yakuniga etdi. Unda madridliklar 3:1 hisobida g‘alaba qozondi.

Dastlab, Karim Benzema 20-daqiqada hisobni ochdi. Aynan frantsiyalik futbolchining o‘zi birozdan keyin dublni rasmiylashtirdi. Asosiy vaqtga qo‘shib berilgan daqiqalarda Marko Asensio aniq zarbais bidan jamoasining 3-goliga mualliflik qildi. Mezbonlar safida ushbu gollarga Santi Mina bir bor javob qaytarishga muvaffaq bo‘ldi.

Shu tariqa, qiyin kechgan o‘yinda g‘alaba qozongan "qirollik klubi" 60 ochko bilan 2-o‘ringa ko‘tarilib oldi. "Selta" esa 34 ochko bilan 11-pog‘onani band etgan.

• 90+5'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+4'
  

  ГОООООООООООООООООООООООООЛЛЛЛЛЛЛЛЛЛЛЛЛЛЛЛ! Асенсио ўйинга нуқта қўйди!

  Бенземанинг узатмасидан кейин Марко бўш қолган дарвозага тўпни йўллади.

• 90+3'

  "Сельта" футболчилари бор кучи билан олдинга ўтмоқда.

• 90+1'

  Аугусто Солари ўрнига Хосе Фонтан ўйинга қўшилди.

• 90'
  

  Ўйиннинг асосий вақтига 3 дақиқа қўшиб берилди.

• 87'

  Ўйин сўнгига келиб "Сельта" устунликни рақибдан олиб қўйди. Энди улар ҳар тарафлама усутнлик намойиш этмоқда.

• 85'

  Ҳужумда қоида бузган Аугусто Солари жамоасига панд берди.

• 83'

  Аспаснинг зарбасидан кейин Каземиро тўп йўналишини ўзгартирди. Тўп устунга тегиб майдонни тарк этди.

• 81'
  

  Ўз жарима майдони яқинида Модрич рақибини йиқитди. Ҳакам унга сариқ карточка кўрсатди.

• 79'
  

  Аугусто Соларига сариқ карточка кўрсатилди.

• 77'

  Лука Модричнинг стандартдан берган зарбасига аниқлик етишмади.

• 74'

  "Реал" бурчак тўпини комбинация билан ўйинга киритди. Бироқ бу вазиятдан ҳеч қандай хавф туғдира олмади.

• 71'
  

  Тони Кроос ўз ўрнини Марко Асенсиога бўшатиб берди.

• 70'
  

  Тезкор қарши ҳужумга ўтаётган Аспасни қоида бузиш эвазига тўхтатган Начога сариқ карточка кўрсатилди.

• 68'

  Минага нисбатан ишлатилган қўполлик натижасида "Сельта" яхши стандартга эга бўлди.

• 66'

  Қанотдан жарима майдонига ёриб кирган Винисиус пас беришда хатога йўл қўйди. Қулай имконият қўлдан кетди.

• 63'

  Вальверде ҳужумда қоида бузди. Тўп майдон эгаларига қайтариб берилади.

• 61'

  Винисиус жарима майдони ичидан кутилганидек зарба бера олмади.

• 59'

  "Сельта" футболчисининг жарима майдонига оширган тўпига Варан эга чиқди.

• 57'

  Ўйин темпи пасайди. Томонлар майдон марказида тўпни олиб юрибди.

• 54'
  

  Тони Крооснинг бурчакдан етказиб берган тўпига жамоадошлари ета олмади.

• 51'

  Жарима майдони атрофида меҳмонлар стандартни қўлга киритди.

• 48'

  Мадридликлар иккинчи таймда ҳам фаол ўйин кўрсатяпти.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45'
  

  Биринчи таймга вақт қўшиб берилмади. Танаффус!

• 44'

  Ҳисоб тенглашиши мумкин эди. Бироқ Нолито жарима майдони ичидан зарба бера олмади.

• 42'

  Тайм сўнгини майдон эгалари фаолроқ ўтказмоқда.

• 40'
  

  ГОООООООООООООООООООООЛЛЛЛЛЛЛЛЛЛЛЛЛЛЛЛЛ! "Сельта" ҳисобни қисқартирди!

  Жарима майдонига етказиб берилган тўпни Санти Мина боши билан дарвозага киритди.

• 39'
  

  Рақибига нисбатан қоида бузган Кроос огоҳлантирилди.

• 37'

  Ўйин темпи пасайди. Тўп майдон марказида кўп туриб қоляпти.

• 34'

  Зидан шогирдлари майда паслар билан тўп назоратини ўз қўлида ушлаб турибди.

• 32'

  Голдан руҳланган меҳмонлар босим уюштиришда давом этмоқда.

• 30'
  

  ГОООООООООООООООООООООООЛЛЛЛЛЛЛЛЛЛЛЛЛЛЛЛ! "Реал" ҳисобдаги фарқни оширди!

  Рақибининг хатосидан кейин тўпни олиб қўйган Кроос Бенземага тўп узатди. Карим мўлжалда адашмади.

• 27'

  Бенземанинг узатмасидан кейин Винисиус бўш қолган дарвозани ишғол эта олмади.

• 25'

  Меҳмонлар фаол ўйин намойиш этишда давом этяпти. Рақиб футболчилари майдон қўполлик эвазига уларни тўхтатмоқда.

• 23'

  Санти Минанинг бош билан йўллаган зарбасидан кейин тўп тўсинга тегиб, майдонни тарк этди.

• 22'
  

  Рақибига нисбатан қоида бузган Винисиус огоҳлантирилди.

• 20'
  

  ГОООООООООООООООООООООООЛЛЛЛЛЛЛЛЛЛЛЛЛЛЛ! "Реал" ҳисобни очди!

  Крооснинг узатмасидан кейин Бензема дарвозани ишғол этди.

• 17'

  "Қаймоқранглилар"нинг уринишлари тобора хавфлилашиб бормоқда.

• 14'

  Жарима майдони ичида Нолито тўпни ўзига бўйсундира олмади. Камсонли имкониятлардан бири қўлдан кетди.

• 12'

  Меҳмонлар рақиб жарима майдони атрофида тўпни бир-бирига узатиб, мудофаадаги заиф нуқтани излаяпти.

• 10'

  Мендига нисбатан ишлатилган қўполлик учун мадридликлар стандарт вазиятга эга бўлди.

• 9'
  

  Бурчакдан етказиб берилган тўпга Бензема зарба берди. Тўп йўлига ҳимоячи ғов бўлди.

• 7'

  Жарима майдонига узатилган тўпни Куртуа ушлаб олди.

• 5'

  Дарвозабоннинг хатосидан кейин тўпни олиб қўйган Жуниор Бенземани тўп билан таъминлади. Каримнинг зарбасини ҳимоячилар қайтарди.

• 3'

  Меҳмонлар ўйиннинг илк дақиқаларидан босим уюштиришга ҳаракат қилмоқда.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!