Sardor Rahmonovning "So‘g‘diyona"ga qarshi o‘yinda olgan qizil kartochkasi bekor qilindi

Xabaringiz bor, Superliganing 21-turi doirasidagi OKMK — "So‘g‘diyona" uchrashuvida bosh hakam Ibrohim Ismoilov tomonidan Sardor Rahmonovga qizil kartochka ko‘rsatilgandi.

OKMK matbuot xizmatining xabariga ko‘ra, qizil kartochka Intizom kodeksining 5.61-bandiga asosan O‘zbekiston futbol hakamlari markazi, ekspert hakamlar komissiyasi bilan kelishilgan holda bekor qilindi.

Eslatib o‘tamiz, avvalroq Ekspert-hakamlar komissiyasi ushbu vaziyat bo‘yicha quyidagi qarorini ma’lum qilgandi: “Jarima maydonchasi ichida yuzaga kelgan bu holat to‘p uchun tabiiy kurash hisoblanadi, bu vaziyatda penalti belgilanishi to‘g‘ri qaror emas. Bosh hakamning qarori noto‘g‘ri deb topildi”.