Sevgilisimi yoki “Real”ning EChLdagi 15-chempionligi? Kurtua javob berdi

Madridning “Real” klubi darvozaboni Tibo Kurtua “Twitter”da savol-javob o‘tkazdi. Muxlislar unga sevgilisimi yoki "Real Madrid"ning Chempionlar ligasidagi 15-g‘alabasimi ko‘rinishida savol berdi. Tiboning javobi: "Albatta, 15-g‘alaba".

Qiziqarli tomoni shundaki, kecha madridliklar posboni uchrashib yurgan qiziga turmush qurishni taklif qildi. Tabiiyki, u bunga rozi bo‘ldi.

Kurtuaning sevgilisi isroillik model Mishel Gertsig bo‘lib, ular 2021 yilning boshidan beri uchrashib keladi. Avvalroq belgiyalik posbon Marta Dominges bilan ajrashganini e’lon qilgan edi.