"Sho‘rtan" bir kunda "Nasaf"ni ikki marta yutdi

FIFA kunlari sabab yuzaga kelgan tanaffusdan unumli foydalanish va futbolchilarning o‘yin amaliyotini saqlab qolish maqsadida “Sho‘rtan” va “Nasaf” jamoalari o‘rtasida ikkita nazorat uchrashuvi belgilangandi.

Bo‘lib o‘tgan birinchi bellashuvda "Sho‘rtan" Bekzod Suvonov, Diyorbek Asomiddinov va Choriyor Tursunqulov kiritgan gollar evaziga 3:0 hisobida g‘alaba qozondi.

“Nasaf” jamoasiga qarshi o‘tkazilgan ikkinchi nazorat uchrashuvida ham "Sho‘rtan" g‘alabaga erishishdi.

Uchrashuvda Farruh Muxtorov va Abror Toshqo‘ziev kiritgan gollar g‘uzorliklarga g‘alaba keltirdi. "Nasaf" safida esa Dragan Cheran o‘z nomini tabloga yozdirishga muvaffaq bo‘ldi.