"Siti" va "Bayer"dan ikki nafardan futbolchi bor - Top-5 liga ramziy jamoasi tuzildi

Yakuniga etgan mavsum ramziy terma jamoasi tuzildi

"Goal com" nashri top-5 liga futbolchilaridan iborat mavsumning ramziy terma jamoasini tuzib chiqdi.

Ro‘yxatga har bir pozitsiyada 2023/24 yilgi mavsumning eng yaxshi futbolchilari kiritilgan. Tanlov barcha musobaqalardagi natijalarga qarab, amalga oshirildi.

Bundan tashqari, "Goal com" ro‘yxatga kiritilmagan ba’zi futbolchilarning o‘yinlarini ta’kidlab o‘tdi. Gap Florian Virts ("Bayer"), Vinisius Junior ("Real Madrid"), Koul Palmer ("Chelsi"), Ten Kopmeyners ("Atalanta"), Ashraf Hakimi (PSJ) va Niko Shlotterbek ("Borussiya Dortmund") haqida ketmoqda.

Yakuniy jamoa quyidagicha:

Darvozabon: Yan Zommer ("Inter");

Himoyachilar: Uilyam Saliba ("Arsenal"), Mats Xummels ("Borussiya"), Virjil van Deyk ("Liverpul"), Aleks Grimaldo, Jeremi Frimpong (ikkalasi ham "Bayer Leverkuzen");

Yarim himoyachilar: Rodri ("Manchester Siti") Jud Bellingem ("Real"), Fil Foden (“Manchester Siti”)

Hujumchilar: Xarri Keyn ("Bavariya"), Kilian Mbappe (PSJ).