Superliga. OKMK kichik kambek evaziga "Turon"dan ustun keldi

O‘zbekiston Superligasi 24-turidan o‘rin olgan OKMK - "Turon" bahsi bo‘lib o‘tdi. Unda mezbonlar 2:1 hisobida raqibdan ustun keldi. 

Dastlab, 6-daqiqada Rustamxon Azimov bellashuvda hisobni ochgan bo‘lsa, 38-daqiqada Xurshid G‘iyosov penaltidan gol urib, muvozanatni tikladi. Birinchi bo‘limning asosiy vaqtiga qo‘shib berilgan daqiqalarning ikkinchisida Ermatov olmaliqliklarni oldinga olib chiqdi. 

Shu tariqa, OKMK hisobidagi ochkolari sonini 42 taga etkazib olib, "Navbahor"ga yaqinlashib oldi.