Taekvondo WT. Ulug‘bek Rashitov “Katta dubulg‘a” turnirida oltin medalni qo‘lga kiritdi

Xitoyning Usi shahrida taekvondo WT bo‘yicha “Katta dubulg‘a” musobaqasi final bosqichining ilk kuni yakunlandi. Quvonarlisi, unda O‘zbekiston terma jamoasi 1 ta oltin medalni qo‘lga kiritdi. Bu haqda O‘zbekiston Milliy Olimpiya qo‘mitasi matbuot xizmati xabar tarqatmoqda.

Ushbu medalga -68 kg vazn toifasida bahs olib borgan Tokio-2020 Olimpidasi chempioni Ulug‘bek Rashitov mualliflik qildi. Hamyurtimiz finalda eronlik Doniyol Bozorg‘ishobdan ustun keldi.

-68 kg:
1-o‘rin - Ulug‘bek Rashitov (O‘zbekiston)
2-o‘rin - Doniyol Bozorg‘ishob (Eron)
3-o‘rin - Rizo Kalgor (Eron)