Tez orada Alisson va "Liverpul" o‘rtasida "yangilik" bo‘ladi

Braziliyalik darvozabon Alisson Beker tez orada "Liverpul" bilan mehnat shartnomasini uzaytiradi.

Taniqli insayder Fabritsio Romanoning xabar berishicha, 28 yoshli posbon va Mersisayd klubi o‘rtasida imzolanadigan yangi shartnoma 2025/2026 yilgi mavsum oxiriga qadar amal qiladi. Tez orada tomonlar bu boradagi muzokaralarni yakunlaydi va shartnomani imzolaydi.

Alisson “Liverpul” safida 2018 yilning yozida “Roma”dan ko‘chib o‘tgan edi. U o‘tgan uch mavsum davomida jami 130 ta uchrashuv o‘tkazdi va unda o‘z darvozasidan 104 ta gol o‘tkazib yubordi.

Angliya premer-ligasining yangi mavsumi 13 avgustda boshlanadi. "Liverpul" mavsumdagi ilk uchrashuvini 14 avgust kuni "Norvich"ga qarshi o‘tkazadi.