Toshkentda eng kuchli qilichbozlar raqobatlashmoqda

“Paxtakor” sport kompleksida 2000-2002 va 2003-2006 yillarda tug‘ilgan o‘smirlar va yoshlar o‘rtasida qilichbozlik bo‘yicha O‘zbekiston chempionati ,boshlandi.

Musobaqaning ilk kunida sportchilar qilichbozlikning shpaga yo‘nalishidagi shaxsiy birinchilik bo‘yicha raqobatlashmoqda. Ushbu mamlakat birinchiligi joriy yil mazkur yosh toifalarida o‘tkaziladigan qit’a va jahon birinchiliklari uchun terma jamoa tarkibini shakllantirib olishda muhim ahamiyat kasb etadi.

Birinchilikda Andijon, Buxoro, Navoiy, Sirdaryo va Toshkent viloyatlari, shuningdek, Toshkent shahridan 71 nafar (40 yigitlar, 31 qizlar) eng sara shpagachi kuch sinashmoqda.