U-23 Osiyo kubogi. Bugun O‘zbekiston yarim final yo‘llanmasi uchun kurash olib boradi

Saudiya Arabistonida 23 yoshgacha bo‘lgan futbolchilar o‘rtasidagi Osiyo kubogi musobaqasi hal qiluvchi bosqichga kirib bormoqda. Bugun turnirning chorak finalidan o‘rin olgan yana ikki uchrashuv bo‘lib o‘tadi.

Dastlab, soat 16:30'da O‘zbekiston va Xitoy terma jamoalari o‘rtasidagi bahs o‘tkaziladi. Kunning ikkinchi uchrashuvida esa Avstraliya hamda Janubiy Koreya terma jamoalari o‘zaro kuch sinashadi. Ushbu to‘qnashuv soat 20:30'da start oladi.

Ma’lumot uchun, Ravshan Haydarov shogirdlari mazkur bosqichda Xitoy ustidan g‘alaba qo‘zonsa, yarim finalda Vyetnam yoshlar jamoasiga qarshi maydonga tushadi.