UEFA Superkubogi finalchisi uchun katta yo‘qotish

“Atalanta” hujumchisi Janluka Skamakka “Parma” bilan kechgan o‘rtoqlik uchrashuvida jarohat olib maydonni tark etgan edi.

 Bergamoliklar ma’lum qilishicha, italiyalik forvardning xochsimon paylari  uzilgan. Ko‘plab nashrlar 25 yoshli futbolchini kamida 5 oyga safdan chiqqanini yozishmoqda.

“Atalanta” 14 avgust kuni UEFA Superkubogi finalida “Real Madrid”ga qarshi maydonga tushadi.

Skamakka o‘tgan mavsum 44 ta uchrashuvda 19 gol va 7 ta assist amalga oshirdi.