Ukrainalik boshqa bokschi Lomachenkoning mag‘lubiyatiga pul tikib, 73 ming dollar yutib oldi

AQShda faoliyatini davom ettirayotgan ukrainalik bokschi Ivan Redkach engil vaznda to‘rtta kamar uchun ringga ko‘tarilgan hamyurti Vasiliy Lomachenko va Teofimo Lopes jangidan so‘ng, kattagina miqdordagi mablag‘ni qo‘lga kiritdi. 

U ikki chempionning jangida Teofimo Lopesning g‘alabasiga 25 ming dollar tikdi va yakunda 73 ming dollar sohibiga aylandi. 

Redkach Instagram sahifasida pul tikilgan variant skrinshotini namoyish qildi. Ma’lumki, Lopes 116-112, 119-109, 117-111 hisobida Lomachenkoni mag‘lub etgandi.